De erste Stroph‘ hett: Trullala …
De twedde Stroph‘ hett: Trullala …
Et hett bloß alltiets: Trullala …
Wat is dat schön mit: Trullala …
Drum sing wi noch maol: Trullala …
Nu hör wi up mit: Trullala …

Melodie: Die Vogelhochzeit
Plattdeutscher Text: Otto Pötter

Well hier nu nich es met us singt,
daomet et auk nett lustig klingt:

Bi den stimmt wat nich,
bi den stimmt wat nich,
bi den stimmt bestimmt wat nich!

Well Waater pichelt, statt maol Beer
un daobi auk noch kick lück quer:

Bi den stimmt wat nich …

Well Holt genoog häff vör de Düör
un haalt sick änners mehr noch her:

Bi den stimmt wat nich …

Well fromm dött gar met Gloria
doch nachts löpp nao Viktoria:

Bi den stimmt wat nich …

Well gaffelt mall in griese Haor
un jasket met sien Schwiegermuor:

Bi den stimmt wat nich …

Well danzet es en Iesegrimm
un schmitt daobi noch Stöhle üm:

Bi den stimmt wat nich …

Melodie: Eine Seefahrt, die ist lustig
Plattdeutscher Text: Otto Pötter

Wenn wi fiert, dann is dat lustig,
wenn wi fiert, dann is dat schön,
jau dao kann man wat beliäwen,
so wat hast ‘e nich gesehn!

Refr. Hollahi, hollahooo – Hollahihahiahia, hollaho

Üm den Takt auk guet to hören,
slao wi alle nu beschwingt,
met den Liäpel orre süss wat,
an dat Glas, dat et guet klingt:

Hollahi …

Dat us alle nu auk glieks hier
fien de rechte Rhythmus packt,
slao wi nu es met de Rechten
in de Luft daobi den Takt:

Hollahi …

Weil sick dat so guet häff maaket,
gaoh wi nu es alle staohn,
üm in de Kneie, up un daale,
hauch un runner kann et gaohn …

Hollahi …

Nu staoht wi wier alle gerade,
hakt us keggensietig in,
üm lück hen un her to wackeln,
hauch de Kopp un hauch dat Kinn …

Hollahi …

In dat Tempo so män wieder,
büs dat wackelt hier de Wand,
Hand un Arms nu in Bewegung,
klatscht wi alle in de Hand …

Hollahi …

Jeder gripp nu nao sein Gläsken
un stött mit sein‘ Naober an,
aower bitte nich to harre,
so dat nix verschütten kann …

Hollahi, Prost Halloho!
Hollahihahiha, Prost Hallo!!

Melodie: Schornsteinfeger ging spaziern
Text: Otto Pötter

Schosteenfiäger göng spazeern,
Schosteinfiäger göng spazeern, göng spazeern,
Schosteinfiäger göng spazeern.

Kam he an nen Ständerhuus (Fachwerkhaus) …

Wör ne Deern dao, Ei der Duus …

Wicht, säch, wiss du mit mi gaohn …

Mott ick erst mien Moder frao’n …

Moder, draff ick mit em gaohn …

Moss du erst es Papa frao’n …

Papa, draff ick mit em gaohn …

Nää, mien Deern, dat draffs du nich …

Beide naiden stiekum uut …

Vaa un Moder ächteran …

Fierden wanner Hochtiet dann …

Laate göng et dann int Bett …

Doch wör dat dann noch recht nett nett …

Schosteenfiäger fiägte schön.
Schosteenfiäger fiägte schön, fiägte schön.
Schosteenfiäger fiägte schön!

Nach der Melodie: Alle Möpse beißen
Plattdeutscher Text: Otto Pötter

Alle Möpse schnappet, alle Möpse happet,
bloß den suuren Roll-mops nich;
alle Möpse schnappet, alle Möpse happet,
bloß den suuren Rollmops ni-ich:

Oh Susanna, wat is dat Leewen doch so schön!
Oh Susanna, wat is dat Leewen schön!

Drink we noch en Dröppken, drink we noch en Dröppken
uut dat olle Henkelpöttken;
drink we noch en Dröppken, drink we noch en Dröppken
uut dat olle Henkelpöttken –
Oh Susanna …

Alle Hahns de kraihet, alle Hahns de kraihet,
bloß den blaien (schüchtern) Jo-hann nich;
alle Hahns de kraihet, alle Hahns de kraihet,
bloß den blaien Johann ni-ich: Oh Susanna …

Alle Raders rullet, alle Raders rullet,
bloß den stiewen Kon-rad nich;
alle Rader rullet, alle Raders rullet,
bloß den stiewen Konrad ni-ich: Oh Susanna …

Alle Gänge schallet, alle Gänge schallet,
bloß den stillen Wolf-gang nich;
alle Gänge schallet, alle Gänge schallet,
bloß den stillen Wolfgang ni-ich: Oh Susanna …

Alle Susis suuset, alle Susis suuset,
bloß Susanna döt et nich;
alle Susis suuset, alle Susis suuset,
bloß Susanna döt et ni-ich: Oh Susanna …