Man mischke vetteihn Pund aollet Palmin

Melodie: Es klappert die Mühle am rauschenden Bach
(langsam, dramatisch gesungen)
Text: Otto Pötter

Bild: pixabay

Man mischke vetteihn Pund aollet Palmin … Palmin!
mit ranzigen Schmand un wat Terpentin … Tin – tin! …
Un rüöhr daorin sachte es A-arzenei,
’n labberig fu-uhelt Gaose-Ei.

Ei, ei. Ei, ei. Ei.aha-ei,
Ei, ei. Ei, ei, Ei, ei.

Dat allet nu nao heel smeckleckere Art: A-part!
as würzig-pikante Pastete gegart: Schön zart!
Schön zart auk de Böllkes von Katten debi,
mit Schimmelpilz, jau, dat Rezept is ganz nie:

Ganz nie, ganz nie, ganz nie-hi-hi!
Ganz nie, ganz nie, ganz nie.

As Pudding dann Pielwörms un Maden in Grieß: Fies, fies!
Dat is maol wat änners, äs immer bloß Ries: Wies, wies!
Schön stampet an‘ besten mit Kä-häsefööt,
daorup dann guet Zucker, dann is et auk sööt:

Wat sööt, wat sööt, wat sö-höhööt!
Wat sööt, wat sööt, wat sööt.

Un för de Verdauung nen Schnaps mit Lakritz: Mit Stritz!
Doch ja nich E 605, dat is nix!: Nix, nix!
Et geit auk mit Gülle, dat is doch ganz klar,
dann lött sick gar säggen: Prost Pro-hostata:

Prost, Prost; Prost Prosta-ta-haha!
Prost, Prost, Prost Prosta-ta.

Laot’ us maol wier schön tesammen fier’n

Bild: pixabay

Melodie: Santa Maria del Camina – Ven con nosotros al caminar

Fröher wör’n wi noch bineene,
harren tesammen guet Tiet.
Nu liäwt – wiet weg – wi alleene,
sind uuteneene, ganz wiet.

Laot’ us maol wier schön tesammen fier’n,
so dat dat Hiärtken sick freut.
Laot’ us schön munter tesammen küer’n,
so dat dat nimmer us reut!

Fröher dao konn ’n wi schön lachen
un keeken munter drin.
Dao leiten wi et noch krachen,
mööken ‚t genröös, nich so minn.

Laot’ us maol wier schön tesammen fier’n…

Fröher konn us nix erschüttern,
wi göng’n tesammen liekuut.
Laot us vandag doch nich knüttern,
dann süht et glieks anners uut.

Laot’ us maol wier schön tesammen fier’n…

Fröher, dao häw wi us schwuoren,
dat us nix trennen kann.
Gaoh wi us doch nich verluoren!
Besöökt wi us dann un wann.

Drüm laot’ us maol wier schön tesammen fier’n…

Hauch liäwe use Klübken

Bild: pixabay

Melodie: Vive la compania

Dat Glas in de Hande – dat Glas in de Höcht‘:
Hauch liäwe use Klübken!
Wi drinkt up Gesundheit un Aogen, de löcht‘:
Hauch liäwe use Klübken!

Hauch liäwe ‚t Klübken, et liäwe hauch, hauch!
Wi bünd giän bineene ohn‘ Wiehraukverbrauch.
Wi singt Arm in Arm un roopet: Hauch, hauch!
Ja: Hauch liäwe use Klübken!

Wi haollet tesammen, egaol wat auk is:
Hauch liäwe use Klübken!
So is us Fröndschup un Freude gewiss.
Hauch liäwe use Klübken!

Hauch liäwe ‚t Klübken, et liäwe hauch, hauch …

Wir drinket nu uut, bis dat drüüg is de Grund … :
Hauch liäwe use Klübken!
Nu giff wi met Schmackes noch eenmaol hier kund:
Hauch liäwe use Klübken!

Hauch liäwe ‚t Klübken, et liäwe hauch, hauch…

Ja, wenn wi gaohet, so gaoh wi alle

Melodie: Nach Tradition
Text: Otto Pötter

Bild: pixabay

Refr.: Ja, wenn wi gaohet, so gaoh wi alle,
tesammen, schön bineene,
üm to kieken, üm es to kieken,
wu de Hiemmel sick so mäck.

Ja, düsse Nieschier häw wi doch alle,
drüm singt wi mit Sang un Schalle,
üm to kieken, üm to kieken,
wu de Hiemmel sick so mäck.

Ja, wenn wi gaohet, so gaoh wi alle …

Bi de Reise, sin wi auk leise,
doot us stärken, noch mit ’n Beerken;
dat lött kieken, biätter kieken,
wu de Hiemmel sick so mäck.

Ja, nao ’n Beerken gaoh wi alle …

Jopp will auk mit, samt siene Hilde,
bi iähr is’t Gloria ja lück in‘ Wilde.
Se willt kieken, gerne kieken,
wu de Hiemmel sick so mäck.

Ja, wenn wi gaohet, so gaoh wi alle …

Un auk Bruni geiht schön gerade,
in beide Hande Schokolade.
Se will kieken, sööte kieken,
wu de Hiemmel sick so mäck.

Ja, wenn wi gaohet, so gaoh wi alle …

Bäänd kömmt auk mit sien‘ Rollator,
küert all graut äs Moderator;
he will auk mit, lück scheel kieken,
wu de Hiemmel sick so mäck.

Ja, wenn wi gaohet, so gaoh wi alle …

Un auk Sefa, gar nich bange,
se bliff immer guet bi de Stange.
Se will kieken, hellske kieken,
wu de Hiemmel sick so mäck.

Ja, wenn wi gaohet, so gaoh wi alle …

Un auk Heini mit siene Panze,
breck för ’n Hiemmel ja ne Lanze.
Drüm will he kieken, wööste kieken,
wu de Hiemmel sick so mäck.

Ja, wenn wi gaohet, so gaoh wi alle …

Auk Bennings Lene, düsse Schöne,
strieket sick all üm de Beene;
se will auk mit, nettfien kieken,
wu de Hiemmel sick so mäck.

Ja, wenn wi gaohet, so gaoh wi alle …

Dann noch Tina, dat Tuckeltäntken,
winkt all mit iähr Handschuhhändken;
denn se will auk mit, kieken, kieken,
wu de Hiemmel sick so mäck. – Ja, wenn wi …

Allet wäd guet

Kulturpreisträger Strauhspier, Frank Engeln, Maika und Otto Pötter 2014 im Metropoli Rheine beim Cineasten Heinz Schulte

Kulturpreisträger Strauhspier, Frank Engeln, Maika und Otto Pötter 2014 im Metropoli Rheine beim Cineasten Heinz Schulte


Melodie: Nikolaus Evers – Gruppe Strauhspier, Rheine

Manchs is dat Liäben bloß schwuor to verstaohn,
dao moss dienen Patt ganz alleen dann so gaohn.
Du fröggs di: Wat sall dat, waorüm mott dat sien?
De Fraoge, se quiält di met wahne Kopppien.

Un doch helpet de Fraoge alleen daobi nix.
Auk helpet dann nich noch so wiesklooke Tricks.
Du moss dao män dör, off du wills orre nich,
Hauptsaake du sömms lötts di dann nich in’ Stich.

Dann doo, wat du doon moss, un is et auk hatt,
bit Wasken wiärd immer dat Fell nu maol natt.
Doch bis du wier rein un de Dreck guet haruut,
dann kanns nu auk säggen: Alles wird gut.

„Allet wäd guet“ von Strauhspier.