Auszug aus der MV (10/2025)
Ein plattdeutsches „Besinnungsstündken“
Autor: Otto Pötter
Ick bin Otto Pötter uut Rheine. Dat lich dicht an de Grenze tüsken et Mönster- un Emsland. Et is auk ne plattdüütschke Spraakgrenze. So is dat nu maol, Platt un Platt, dat is nich immer eens. Drüm säch ick et unner us es so: Lutt use Plattdüütschk auk hier un dao immer maol wier anners, so versteiht man et von Grund her dennoch wuohl. Denn well sick mit Plattdüütschk befasset, de mott sick de auk in giebben. So is dat auk mit dat Liäsen von plattdüütschke Bööker. Man mott sick dao bloß ’n bettken mit befassen, dann geiht et.
Ems – Soweit alles im Fluss
Bild: Aschendorff Verlag Münster
182 S. fester Einband 18 €
ISBN 978-3-402-25149-2
Das Buch handelt von Menschen, ihrem Leben in kleinen Alltäglichkeiten und mancherlei kuriosen oder auch umsichtigen Lebenslagen. Mit viel Einfühlungsvermögen und feiner Beobachtungsgabe erzählt Pötter von Land und Leuten in den Landstrichen längs der Ems. All das könnte auch an-derswo so passiert sein, aber nicht so wie hier … Man empfindet wohltuend den Respekt vor Brauchtum und Gemeinschaftssinn in einer Zeit, in der tradierte Werte und Gewohnheiten verblas-sen. Die Geschichten sind kauzig, mal mit Humor und mal augenzwinkernd mit verschmitztem Hin-tersinn erzählt. Das Buch wird man gern in Händen halten – wohl auch, um es zu behalten.
Wat bliff?
Bild: pixabay
Meint wi auk manchs met Kennerblick,
de Welt kreeg ohne us en Knick,
dann denket wi doch es met Pfiff,
wat ohne uns hier wuohl so bliff?
De Hiemmel fällt de nich bi in,
int Meer sind auk noch Fiske drin
un Vüögels fleiget met den Wind,
auk dann noch, wenn wi nich mehr sind.
Un sin wi auk nich mehr debi,
so kraiht de Hahn noch Kikriki.
Un Bello bellt nich minner noch,
söwwst Marslüe sind nu all antoch.
Noch aower sin wi hier detüsken,
off harre weg orre en bisken.
Wat van us bliff? Eent sicherlich:
Wör’n guet wi hier off nickelig?
Geburtsdagsständken
Nach der Melodie: Ein Vogel wollte Hochzeit machen
Nu kiekt nich graut, ja, et is waohr,
… is nu … Jaohr: Fiderallala…
Dat Liäben krich nen annern Törn,
drüm, leiwe(n) … kiek nao vörn: Fiderallala…
Bis nu auk kiene twintig mehr,
so gönn di ümso mehr Plaseer: Fiderallala…
Wat häs nich alles för us doon,
häs selten maol es stille staohn: Fiderallala…
Drüm sägget wi di vis-à-vis,
van Hiärtengrund Gott lauhn et di: Fiderallala…
Von us daoför hier met Gesang,
di, leiw(n) … duusend Dank: Fiderallala…
Wi sächt et ohne graut Gedoo,
dat wi di häbt, dat mäck us froh: Fiderallala…
Drüm wünschket wi di nu auk hier
ne muntere Geburtsdagsfier: Fiderallala…
Wi nemmt dat Glas un sägget bloß:
Up … Vivat – Glückwunsch: Prost!
Fiderallala…
Wat kümp, dat kümp
Konzertausschnitt – Strauhspier live
im MM 23 in Rheine am 05. 07. 25