Ja ehrlick, ick sin gern gesund!
Doch waorüm glieks wier kerngesund?
Dann feihlt et sicher wier an wat
un Glück un Glut sind för de Katt.

Satt is man, wenn man is satt.
Doch nä, et göng noch immer wat!
Guet könnt et noch ne Krönung geben;
auk leit sick gar noch eenen heben.

So göng et immer biätter noch,
doch so is nimmer vull de Trog.
Nix nich is guet off guet genoog,
wi kieket bloß noch analog.

Doch ehrlick: Wu leit guet et sick so liäben,
woll man dat Fell egaol noch glätter gerben?
Wi merket daobi gar nich mehr,
wo ‘t reinste Glück noch wohl kümp her?

Woher? Dat is kien Losgewinn,
längst sitt et deep all in us drin!
Dann sin wi nich bloß gern gesund,
dann sin wi gar noch kerngesund!