Nen Rollmops is ’n spassig Dier,
bloß mit ne Gurke, ansüss schier,
is suur he wuohl un doch auk mild.
Un Mannslüe sind de oft up wild.
„Im Fisch steckt Vielfalt“, sach man klook.
So stönn gelehrig et in‘ Book
un bruukte nich noch Schisslaweng:
Gerullte Kraft, worüm ‘t auk göng.
De Heilkunst wüss sogar noch mehr.
Dat mäck för Mannslüe graut wat her.
Nao Rollmöps wiest’e sick alsdann,
wat he nich könn noch so, de Mann!
Drüm laot‘ se sick de Rollmöps munden,
üm heel vull Kraft guet to gesunden.
Doch häwet dann de Fraulüe Koppien,
bliff em es Trost män bloß de Holtpinn.
Villicht auk noch en Extrabeer,
bloß vörerst kienen Rollmops mehr …
