’n guedet Wort to rechten Tiet
verhinnert – Gott Dank – so männig Striet.
Drüm kreeg auk es maol Meyers Käthe
met ne dicke Bibel wat vör de Plääte.

Bild: Skatclub Rheine

„Adel is auk nich mehr dat, wat ‚e maol wör!“,
lööt wahn de Buer sien Organ erschallen.
Dao is em tüsken twee Buern, so ’n Mallör,
de Könnig uut de Karten ruutfallen.

Wat man so mitkrigg, is manchs doch komisch:
Wenn eener praohlt, he wör katholisch
un buobendrup neuapostolisch,
so is he wuohl auk alkoholisch.

Et giff Fraulüe, de bünd so reinlick,
dat is för us Mannslüe all reineweg peinlick.
De haalt den Bessen gar in de Nacht,
wenn usereens bloß dreckig lacht.

Bild: pixaba

All’s wat he hadde vererwede Hein,
bis up ’n Knopp von‘ lessten Kragen,
ant hauchbarmherzige Kinnerheim.
Et wassen tesammen so vetteihn Blagen…