Sägg hier den eenen: „So.“
Säggt ann’re wier: „Nono.“
Et is un bliff nu maol ’n Gedoo,
den eenen so, den anner’n so…
’n Schlücksken is all noog för Liese –
un Bäänd mag et wuohl pullenwiese!

Bild: pixabay

Mäck Liese dann auk graut Geluut,
so mäck dat Bäänd rein gar nix uut.
An‘ besten is wi haollt den Mund.
Hauptsaake is, wi bliewt gesund.

Et werd mi manges heel binaut,
bi männig Lüe, so stolt un graut.
Se glänzet es nen Wiehnachtsbaom,
doch iähre Wuordeln häbt se lao´’n.

Et is ’n Quiälen un ’n Strecken,
met schiere Kraft so Lasten trecken.
Auk wenn nen Ossen dat wuohl kann,
so strengt em Kopparbeit doch an!

Bild: Allershausen – Zugrinder

Et leipen twee arme Kerls üöwert Feld,
de harren up de wiede Welt
nix äs veer krumme Beene –
besönners daovan de eene.

„Et schinnt, dat is nen Jägersmann“,
döt Stiene mi lück sacht anstuotten.
„Kiek di em dao es richtig an,
sien Buxe is jä heel verschuotten.“