Well tellt un mett, wat he so ett,
de kick mehrst kruus, lück schraot un hager.
Män Leckermuuls iätt‘ satt sick nett –
un schiet‘ sick dann wier mager.

Den Frie’er spröök vör ’n ersten Treff:
„Mi is et gliek,
off arm, off riek –
wenn se män bloß wat an de Fööte häff!“

Vull Gröön un Rohkost, dat hölt jung.
Man sägg gar, dat gäff nie’en Schwung.
Doch willt se us bi so ’n klook Praoten
nu gar int Gräs noch bieten laoten?

Bild: pixabay

Wenn Fraulüe sacht de Laute hört,
kuemmt se van Hiärten guet in Schwung.
Dann giff et weinig, wat noch stört –
nich maol gar mehr nen Sietensprung…

Bi Abenteuer gau wi laupen,
de bünd us nich so ganz geheuer.
Denn mott man sick dat Glück gar kaupen,
so is de Abend doch män teuer.