Von buoben daal schinnt et heel änners

Nao: Morgenglanz der Ewigkeit
Plattdeutscher Text: Otto Pötter

Bild: pixabay

Wat us hier nich all’s so dräut,
schinnt von buoben daal heel änners.
Giff noch änners wat us freut,
so kläört männig Deel sick wanners.

Allen Mensken steiht paraot
Gottes Wort.

Wat wi bruukt is, stille sien,
up Gott lustern, up em kieken.
So kann Gloovenskraft befrie’n
un all’s Krumme schön wier lieken.

Allen Mensken steiht paraot
Gottes Wort.

Blinde krieget Lecht gewahr,
Stumme könnt up maol wier singen.
Gottes Engel bannt Gefahr,
willt sien Heil us alltiets brengen.

Allen Mensken steiht paraot
Gottes Wort.

Gott alleene wendet Naut,
giff us Kraft ümt nie to werden.
Mäck dat Lütke heelmaol graut;
mit em göng all’s guet up Erden.

Allen Mensken steiht paraot
Gottes Wort.