Ick laot et leiwer sacht angaohn

Bild: pixabay

Ick möcht nich laupen es ’n Dandy
un gaffeln bloß noch an mien Handy.
Ick will auk kienen Klick mit Nick.
Ick will bloß dao sien, ohne Trick.

Mi lich auk nich so graut Marakel
mit heelmaol upgedreiht Spektakel.
Denn vull daovon is doch mehrst alle
Schimperie mit Gift un Galle.

Wat wüerklick tellt, wätt mehrst entstellt
un ümdreiht in ne Glitzerwelt.
Doch Shitstorms, Fakes, schier Laigerie
sind mies Krawall un makt nich blij.

Wenn Rummel bloß un Mumpitz tellt,
is’t schlecht bestellt in use Welt;
vull Guets kümp daobi nich haruut,
bi schier Tamtam un graut Geluut.

Ick laot et leiwer sacht angaohn
un blief so tüskendör es staohn.
Ick kiek un luster üm mi to,
dat mäck tofriäre mi un froh.