Wi härren us wuohl bis in de Puppen bemüülken konnt,
dat Geschlicksker härre iähr auk sicher gefallen, wenn …
bi mi nich jüst dat Prussen wiäsen wär!

Wilma härre dao ächtern Huuse auk wuohl Spass an hat,
as wi dao met us maol alleene wören, wenn …
us dao nich jüst den Rottweiler bi spitzkreegen härre!

As et stiekum met us in de Blüüsen (Büsche) maol rundgaohn soll,
wäre dat för us de Hiemmel up Erden wiäsen, wenn …
Jägers dao nich jüst herümschuotten härren.

Naichstens will ick et in de Büske
doch es maol in Düüstern probeern, wenn …
Wilma dann nich villicht bange is.

Mi schrecket dat swaorens (zwar) nich,
ännersiets will ick et nu aower auk nich noch
met ne Rotte Wildswiene to doon kriegen.

Et giff jä auk noch wuohl schön ruhige Bänke an de Iemse,
wo man nich bloß up sitten gaohn kann, wenn …
nich de Joggers wären, de tüskentiets ja nu all üöwerall laupet!

Villicht könnden wi aower auk es schön alleen inhuuse bliewen,
weil dat Sofa an sick noch wuohl recht bequem is, wenn …
dann nich jüst wat Interessants in Fernsehen löpp.

Jaja, so is dat alle. Alle nich eenfach.